60句精選關於『知識』的經典語錄

客途秋恨

出自維基百科，自由嘅百科全書

《客途秋恨》係南海人葉瑞伯喺清代道光年間寫嘅南音曲。一直流傳，到 1920年代由編劇家黃少拔改編成粵劇《客途秋恨》，將原曲修改做主題曲，原用南音嚟唱。而白駒榮就係演譯呢首歌嘅代表人物。新馬仔、張國榮都有唱過。

節錄

涼風有信，秋月無邊。
睇我思嬌情緒好比渡日如年。小生係繆姓乃是蓮仙字，為憶多情嘅歌女呀叫做麥氏秋娟。見 佢聲色以共性情人讚羨，佢更兼才貌仲的確兩相全。
今日天隔一方難見面，是以孤舟沉寂晚景涼天。你睇斜陽照住嗰對雙飛燕，睇我獨倚蓬窗我就思悄然。耳畔聽得秋聲桐葉落，又只見平橋衰柳鎖寒煙。第一觸景係更添情懊惱囉，睇我懷人愁對嗰個月華圓。
即係舊約難如潮有信，新愁深似海無邊。睇我呢種情緒悲秋同宋嘅玉，況且客途黎抱恨你話 叫我對乜誰言。近日聽得話有羽書馳諜報，重話干戈亂擾江村。
崑山玉石也遭焚毀，好似避秦男女入桃源。你係幽蘭不肯受污泥染，又怕賊兵來犯月中仙。 你話嬌花若被狂風損，嗰陣玉容無主情乜誰憐。一定輾轉馬前遭血濺，日落魂歸玉化煙。你話若然你豔質係遭兇暴，我寧願同埋白骨去伴姐妝前。
或者死後得成連理樹，好過生時常在呢個奈河邊，但望慈航法力總要行方便，把楊枝甘露救出火坑蓮。等你劫難逢兇俱化吉，個的災星魔障兩不相牽。睇我心似轆轤千百轉，空綣戀 . . .

南音

出自維基百科，自由嘅百科全書

有別於泉州南音，廣東南音自成一格，係南方「彈詞」嘅一種，同木魚、龍舟、粵謳、板眼都被稱為粵調。廣東南音又叫做地水南音， 係廣東「說猶如唱，唱猶如說」嘅獨特說唱曲藝，喺二十世紀初期最盛。瞽師或師娘（盲人樂師／盲人歌女）糅合咗木魚、龍舟等廣東講唱傳統彈唱，歌曲內容多數 係抒發個人嘅坎坷遭遇、離愁別緒，經常有自傷自憐嘅主題，令廣東南音別樹一格，所以後期亦被人攞嚟同美國黑人藍調比較。演唱技藝嘅傳授幾乎全靠口授。著名 曲目有《嘆五更》、《客途秋恨》、《祭瀟湘》等，而《今夢曲》就喺唯一一本南音曲集。
南音喺十九世紀中葉至二十世紀初 妓院、煙館、茶樓上經常聽到嘅現場表演音樂，由於涉及色情場所，歌詞唔少都同男歡女愛、色情題材有關。同時，廣東豪富世家詩酒風流，蓄養瞽師、歌姬、瞽僮 以備歌唱。二十世紀二三十年代後，豪戶大宅沒落，加上1935年香港禁娼，地水南音亦開始式微。不過，二十世紀二十年代起，粵劇開始吸納地水南音的講唱方 式，逐漸發展為戲台南音，令到南音嘅部份神髓得到傳承。著名嘅南音唱家包括鍾德（盲德）、劉就（盲就）、桂妹師娘、眇姬麗芳、白駒榮、陳鑑、何耀華、盲 賢、盛獻三、杜煥等等。

背景

南音喺繼木魚、龍舟之後，喺清代乾隆年間興起產生嘅粵語曲藝曲種，主要喺兩廣粵語地區流傳。乾隆二十三年（公元1757年），清政府只准廣州作為全國唯一對外通商口岸，卻帶旺咗廣州、佛山一帶嘅經濟發展。娛樂消費業興旺，吸引咗唔少外地煙花女子嚟廣州謀生。當時廣州嘅風月場所嘅特色喺花舫，集中喺南濠、谷埠、沙面等南海縣屬地，活躍嘅講唱藝人分為揚州幫、廣東幫同潮州幫。
木魚說唱自明代中葉之後發展緩慢，廣州幫只唱木魚和少量小曲，就好難同其他幫派競爭，於是佢哋喺木魚清唱、龍舟邊敲擊邊唱曲嘅基礎上，吸收揚州南詞、潮曲嘅長處，形成新嘅粵語曲種——南音 ^[1]。

地水南音

「地水」係卜卦術語，廣東人舊稱盲人做「阿水」，所以主要由盲人所唱嘅南音就被人叫做「地水南音」。以前盲人喺廣東一帶嘅鄉鎮，主要靠占卜算命為 生，一啲有音樂天賦嘅盲人兼唱起南音，而且師徒一代代咁傳落去，於是唱南音就變成當時盲人嘅一種謀生手段。佢哋有啲孤身一人，有啲兩人為伴，帶往簡單樂 器，唱一啲悲情／詼諧嘅故仔賣唱討錢，或沿門乞唱、或擺地攤求賞錢，而部份唱得比較好嘅，或被富裕人家請到府中唱「堂會」。南音瞽師一般生活坎坷，因此， 南音曲詞頗多悲情故事、自憐自傷之詞。
地水南音嘅唱腔一般又分為正綫南音、乙反南音（又叫苦喉南音／梅花腔）、流水南音等唔同唱腔。正綫南音係比較普通嘅南音，苦喉南音嘅音調係最凄慘， 流水南音就無過門，唱者要「文不加點」咁一路唱落去，中間無停頓。南音唱法變化多端，唱家唱同一曲每日都可以有唔同唱法。至於「乙反」就係古樂調式，用舊 時「上尺工反六五生」為譜。乙反嘅音較低，所以聽起來韻味較苦^[2]。

杜煥

杜煥（1910 ﹣1979年）畀人認定做香港最後一位正綫地水南音大師。佢喺二十世紀五十年代，每朝喺香港電台《杜煥南音》節目演唱南音，更加不時將當日發生嘅新聞故事 作為即興唱作題材，一直唱到1972年，港台因減少播放古老文化節目而停播該節目為止。杜煥以一心三用，左手操拍板、右手彈爭、口中歌唱嘅絕技為人津津樂 道。
杜煥喺1972年被香港電台炒魷魚之後，只能靠政府救濟金為生，屈居喺上海街一盲人籠屋，間中或到旺角街頭賣唱討錢。1974年，德國文化協會邀請 杜煥演唱〈客途秋恨〉、〈男燒衣〉等曲目，兼且由何臣椰胡伴奏。後來成為「南音箏怪」嘅唐健垣（當時喺中文大學音樂系碩士生）初遇杜煥，結下兩人日後喺師 徒情緣。
美國匹茲堡大學音樂系教授榮鴻曾，喺1975年收錄咗杜煥喺上環摩羅街富隆酒樓演唱嘅16首南音歌曲，部份經由中文大學輯錄成唱片《訴衷情》。
後來，喺唐健垣安排下，杜煥喺大會堂劇院演唱，又被邀到中文大學博物館內演唱南音，並且拍攝成一卷八米厘影帶，成為傳統地水南音嘅少數僅存影像紀錄。
1979年，杜煥病逝，傳統盲人派地水南音自此成為絕唱。唐健垣當時喺英國深造音樂博士，一時間杜煥貧病無以為殮，好彩得南音唱家、粵劇名伶阮兆輝奔走安排喪事，又聯繫商業電台舉辦南音、龍舟演唱會，為盲人組織籌款 ^[3]。

颺舟南音

颺舟南音（一般寫作「揚州南音」）一派喺二十世紀二三十年代嘅廣州響負盛名，代表人物喺鍾德（1860年 - 1929年），弟子有盛獻三。盛獻三晚年亦收唐健恒為徒。據梁培熾先生查考，該腔因曲調悠揚跌宕，有『舟搖搖而輕颺』之感，故起名颺舟腔。颺舟一詞較僻，亦同揚州同聲，後人漸漸訛傳爲揚州腔 ^[4]。颺舟南音七叮一板，比較一般南音三叮一板，嚟得雅緻委婉，而鍾德更以「陰喉」將佢發揚光大^[5]。

編撰《今夢曲》

孔繼勳(1792－1842)，清道光進士，孔子 69 代孫，嶺南太平沙大鹽商。曾經喺翰林院庶常館教習，同曾國藩有師生之誼。孔繼勳對古人嘅法書名畫獨具慧眼妙識，喺一次踏雪游南岳之後，歸來便興建「岳雪 樓」，不惜重金將自己所見嘅精品都收購其中。蒐羅之富，一時稱最。岳雪樓唔只喺佢藏書之所，而且亦喺雅集文化名流之地。據說孔繼勳除咗喺呢度宴請名流酬唱 之外，重收養咗一班歌女及瞽僮，使之成為曲館。
孔家將擅唱南音的失明藝人鍾德接到岳雪樓，照顧佢起居飲食。雅集之時，文人雅客們修訂鍾德所唱嘅南音舊曲，或爲佢撰寫新曲，共得曲子14首，因曲子都以曹雪芹小說《紅樓夢》爲題材，統稱《今夢曲》，可惜原來版本早已散失 ^[6]。
鍾德晚年到咗香港，以《華字日報》總編輯勞緯孟爲首嘅一幫文人喺 1919年爲佢整理、出版咗《今夢曲》，葉瑞伯嘅侄孫葉茗孫參與編輯曲集，南海天放氏、順德老漁撰序或題詩 ^[7]。

戲台南音

跟據廣州粵劇研究者陸豐先生嘅研究，粤曲唱腔嘅舞台語言係喺1921至1927年產生轉變，又因為演唱平喉白，不但可以吸收廣東嘅講唱音樂例如南 音、木魚等，目前最早記載結合南音和梆黃曲嘅係1924年由陳小漢之父陳醒漢演唱嘅《芭蕉島》之憶美。也因為演唱平喉白話，粵曲嘅調門也變為降B調 [8

廣州人都會哼那句︰“涼風有信，秋月無邊”

來源:新快報　　發表時間︰2013-08-09 16:13

　　■白駒榮

小生繆艮蓮仙字，為憶多情妓女麥氏秋娟
清代沈復《浮生六記》記錄了他在珠江游樂的情景︰“一輪明月，水闊天空。縱橫如亂葉浮水者，酒船也；閃爍如繁星列天者，酒船之燈也。更有小艇，梭織 往來，笙歌弦索之聲，雜以長潮之沸，令人情為之移。”酒船如葉，船燈如星，珠江花舫的繁華吸引了不少文人雅士來此消遣風月。此前流行的木魚、龍舟等粵歌經 過這些文人士大夫潤飾，文辭越來越優雅，發展成體例工整的南音。南音是粵調說唱藝術的巔峰，出現了不少情感深摯、文采絕倫的作品。《客途秋恨》就是經典之 作。
《客途秋恨》講述了書生繆蓮仙與歌女麥秋娟情深緣淺的戀情。繆蓮仙真有其人，原籍浙江，生于乾隆三十一年（1766年），家貧，屢試不第，生活潦 倒。他編撰的《文章游戲》中有自述詩︰“家世本貧素，力難繼書香，蹉跎十四五，市井徒彷徨。”他來廣東謀生，郁郁不得志，年過半百仍寄居在六榕寺的僧舍， 賣文為生，典當度日。嘉慶二十三年（1818年），繆蓮仙在肇慶廣寧就館，回廣州訪友期間與妓女秋娟相戀，不久又返回。隨後時局動亂，有情人再難相見。繆 蓮仙深知自己懷才不遇，無力為秋娟贖身。只得將一腔思念付于詞曲，月下懷人。
葉瑞伯根據繆蓮仙和秋娟的故事，寫成南音《客途秋恨》，傳唱百年。葉瑞伯原名葉延瑞，生于乾隆五十一年（1786年），原籍福建同安人，曾祖入粵經 商，寄籍南海。葉家幾代擅詞曲，葉瑞伯之弟葉茗生，據傳是粵謳名曲《除卻了阿九》的作者。葉茗生之孫也曾協助南音名家鐘德編錄《今夢曲》。
相傳葉瑞伯與一桂河妓女相戀，因戰事阻隔無法重聚。葉瑞伯便借繆蓮仙與麥秋娟的故事，傾訴護花無力的相思之情。《客途秋恨》開篇幾句是“小生繆艮蓮 仙字，為憶多情妓女麥氏秋娟”，因此一度被誤傳為作者是繆蓮仙。作者借繆蓮仙的口吻自訴衷腸，所謂美人遲暮，名士窮途，只得同聲一哭。